Naturmangfaldet er kartlagt

Det biologiske mangfaldet er no kartlagt i alle kommunane i Møre og Romsdal. Målet til styresmaktene er å stoppe tapet av viktige naturtypar innan 2010. Ordførar John Ole Aspli deltok under konferansen "Liv Laga" i Oslo tirsdag og Gunnar Bureid har bilder:

 

- Møre og Romsdal ligg på topp blant fylka når det gjeld slikt kartleggingsarbeid, seier naturforvaltar Kjell Lyse til NRK Møre og Romsdal, der du finn alt om naturmangfaldet.

 

Som kjent sendte miljøvernminister Erik Solheim ut eit kort til alle ordførarnane i fjor. Her fekk Rindal særansvar for bevaring av elvamuslingen i Lomunda. Tirsdag hadde ministeren invitert til konferansen "Liv Laga" på Plaza i Oslo med nærare 400 deltakarar og tema naturmangfaldet. Her deltok også ordførar John Ole Aspli, da han kombinerte konferansen med eit anna oppdrag for Arbeiderpartiet.

- Kartlegginga er no gjort og Rindal kommune ønsker å følgje opp med dette. Vi er opptatt av natur og miljø. Derfor hadde eg eit ønske om å prioritere dette. Det er ei fin satsing regjeringa og departementet legg opp til med naturmangfaldet. No er det opp til oss lokalt å ta ansvar, seier Aspli til Trollheimsporten.

- Neste år, i 2010, er det naturmangfaldåret, og da kjem vi til å følgje opp dette både når det gjeld landbruk, miljø og elvamuslingen, seier han.

Gunnar Bureid har sendt to bilder til Trollheimspøorten som kan illustrere saka:

 

Kanelkjuke (bare 2,5 cm bred hatt på de avbildete, men de kan bli atskillig større): Drypp litt grønnsåpe på den, og soppen blir nydelig indigoblå! En høyt verdsatt sopp for alle som driver med garnfarging. Funnet ved Løften/Skogstad 23. mars 2009.

Antrodia mellita (har ikke noe norsk navn ennå; "nektarkjuke" foreslått): Rødlistet poresopp. Funnet ved Løften 11. mars 2009, og belegget er blitt artsbestemt av kjukespesialisten Leif Ryvarden.